Tamyz aıynyń 27-i men qyrkúıek aıynyń 5-i kúnderi aralyǵynda oblys kóleminde «Jasóspirim» jedel-profılaktıkalyq sharasy bastalady.
Is-sharanyń negizgi maqsaty – kámeletke tolmaǵandar arasyndaǵy qylmystardyń, onyń ishinde toptyq tóbeles, bopsalaý derekteriniń aldyn-alý, eskertý, jolyn kesý, sondaı-aq quqyqqa qaıshy is-áreketterge jol bermeý, kámeletke tolmaǵandarǵa alkogoldik jáne temeki ónimderin satý, olardyń túngi ýaqytta zańdy ókilderiniń ilesip júrýinsiz oıyn-saýyq mekemeleri men turǵyn úı-jaılardan tys aýmaqta bolý derekterin anyqtaý bolyp tabylady.
«Jasóspirim» ótkizý barysynda kámeletke tolmaǵandarmen jáne olardyń qatysýymen jasalǵan quqyq buzýshylyqtardy, kámeletke tolmaǵandarǵa qatysty basqa da quqyqqa qarsy áreketterdi anyqtaý maqsatynda jasyryn saýalnamalar júrgiziledi.
Is-shara kezinde oblys kóleminde jergilikti polısııa qyzmetkerleri múddeli memlekettik organdardyń, úkimettik emes uıymdardyń jáne buqaralyq aqparat quraldarynyń ókilderin tarta otyryp kámeletke tolmaǵandardyń kóp jınalatyn oryndarynda reıdtik is-sharalar ótkizý josparlanýda.